// حزين أنا .. \\
قالت قصيدك ليل .. سودٍ معانيه ..
رويانةٍ بالدمع .. وامدادها دم ..
إلى متى يا شاعر الهم تخفيه ..
وإلى متى .. تحنى ضلوعك على هم ..
قلت البكا .. صعبٍ عليه وأنا بيه ..
لا واهني اللي بكى وما تندم ..
لي عبرةٍ يلعب بها الحزن .. والتيه ..
ولي صرخةٍ .. واتعبت ابلقى لها فم ..
لا ما كتبت الشعر .. لحدٍ بسليه ..
ولا نيب مداحٍ .. ولا باترنم ..
إحساس لابيعه .. ولا نيب شاريه ..
مرٍ يجي شهدٍ .. ومرات علقم ..
وإلى لمحتي .. دم جوفي افخليه .. على الورق ..
لا صار روحك تآلم ..
قلت الشعر يوم إن لي .. راحةٍ فيه ..
وحزين أنا .. إلى متى .. الله أعلم ..
أفتح الرابط
http://www.safeshare.tv/w/UeuWRcTgRf
ليست هناك تعليقات:
إرسال تعليق