Ƹ̴Ӂ̴Ʒ صندوق النمل Ƹ̴Ӂ̴Ʒ // ماكذبت أمي عليّ .. يوم قالت .. \\ ..

 

// ماكذبت أمي عليّ .. يوم قالت .. \\ لا تنام إلا متوضي .. وصل .. لله ركعتين .. واقرأ لك لو آيتين .. وأرفع يديك وتضرع .. بالدعاء .. يشرق النور بجبينك .. ماتجيك أحلام توحش .. وماتقوم الصبح .. مهموم .. وحزين .. ماكذبت أمي عليّ .. يوم قالت .. لا تفرط في صلاتك .. ولا يغرك حب ذاتك .. ولا يبل الريق مسكر .. حتى لو يبست لهاتك .. أحرص .. تصلى جماعه .. وكل ساعة راقب الله في حياتك .. ماكذبت أمي عليّ .. يوم قالت .. لا تصير إنسان جارح .. أضحك بوجه الجميع .. عامل الناس بتسامح .. لا تفرط في حقوقك .. لا تجامل في النصائح .. ولا تثور .. تصير فاضح .. وإن لمست عيب صاحب .. لا تنافق .. ولا تصارح .. وأنتبه من هالنصيحه .. لا تصير إنسان غامض .. ولا تصير إنسان واضح .. ماكذبت أمي عليّ .. يوم قالت .. أحذر .. أولادك ومالك .. لا تجافيهم وتقسى .. ولا تبالغ في دلالك .. ربهم بالخير .. تربح .. وعلم النفس القناعة .. وعلم القلب الشجاعة .. ولا تغطي العين وتحلم .. وتخدع الرأي بخيالك .. ماكذبت أمي عليّ .. يوم قالت .. أنتبه .. لاتبني دارك قبل ماتختار جارك .. وفكر بحق المجوره !!! لا يحس إنك ظلمته .. وإلا إنك يوم خنّته .. وإلا تؤذيه بصغارك .. ماكذبت أمي عليّ .. يوم قالت .. إن وعدتَ وعد .. فاصدق .. أحذر تزل بلسانك .. أو تقلل يوم شانك .. عش عزيز النفس تسلم .. حاجتك للناس .. علقم .. لا تبين ضعف حالك .. أو يغرك زود مالك .. ولا تهين إنسان .. تندم .. ماكذبت أمي عليّ .. يوم قالت .. خلك إنسان بكرامه .. لا تغرك هالأمور .. المناصب والقصور .. فكَّر بيوم القيامة .. فكَّر إنك ما أنت خالد .. رحلة الدنيا قصيرة .. تلقى نفسك في سلامه .. ماكذبت أمي عليّ .. يوم قالت .. أحذر تصير بخيل .. وأحذر تبذر وتطّغى .. وأحذر تعيش بخساسه أو ذليل .. ولا تنام بيوم خالي .. لا تنام بدون لا تفعل جميل .. تلقى نفسك في معزه .. تلقى روحك في شموخ .. عش أصيل ومت أصيل .. ماكذبت أمي عليّ .. يوم قالت .. لا تمل هموم حملك .. ولا تظن الناس مثلك .. وأصنع أمرك من يمينك .. لا تدور من يعينك .. بين ربعك ولا أهلك .. لا تعامل باللي تكره .. ولا تجارم وإلا تشره .. هذي وصايا .. لا تفرط في بعضها .. ماتتوه الشمس عينك .. أو تتوه الأرض رجلك .. ياجنيني هالأمانه حاول تحملها طفلك !!