Ƹ̴Ӂ̴Ʒ صندوق النمل Ƹ̴Ӂ̴Ʒ مأساة تتكرر في زمننا الحالي بكل أسف

بسم الله الرحمن الرحيم

انا اخت لكم وراح اذكر قصتي فيه ناس راح يعرفوني بس ماهمني بعد مافقدت حبيبي خلاص معد اهتم انا ابني الله يرحمه قبل يموت كانت فيه مشاكل مع زوجته وتوتر لهم حدود سنين طبعا ولدي متزوج له ٢٦سنه وهو بكري السنه الاخيره كلمت ولدي ابغا يوافق ان اخته تبي تخطب لولدها بنته واقنعته بس زوجته رفضت وحجتها ماتبي القرايب والمشاكل طبعا سارت مشاكل وزوجته تقاطعنا احنا وياها وانا استغليت التوتر وقمت احرضه واطلع المستخبي مرتك سوت وقالت الين سارت مشادات بينهم وتركت بيتها طبعا انا مابي ولدي يحس بفقدها أخذت شغالاتي ورحت عنده هو عنده ٦ اكبرهم البنت اللي عمرها٢٠ سنه واصغرهم عمره سنه وثمانيه شهور المهم تعرفون الكلام يجينا منها ونوديه لولدي وناخذ كلام ولدي وننقله لها الين طلبت الطلاق وبعدها سارت فتره هدوء وولدي ساكت قلت له اخطب لك 

مارضي يقل عفت الحريم وبعدين مرت سنه وانا باقي عنده بحكم ان ابوه متوفي 

واخوانه وخواته يجوني وعايشين حياتنا 

مبسوطين وولدي بس ساكت وفي

يوم سهرانين انا وبناتي في بيت الشعر وهو كان قاعد ونضحك وهو مسرح 

وفجاه قام وراح غرفته واحنا كملنا الين اذن الفجر وبعدها رحت اصحيه بس لقيته مو ع فراشه والبلكونه مفتوحه دخلت ولقيته قاعد عالكرس ومتكي وحركته لقيته مايتحرك صحت ناديت ولدي راح مني اتعس يوم مر عليه الموت حق وانا مؤمنه بس اللي قهرني 

ان واحد من اخوانه جا يلم اغراضه لقي جواله ولقيه مرسل لصاحبه رساله وكاتب فيها محد حاس فيه بيتي تشتت عيالي ضاعو بيتي خرب وامي وخواتي مبسوطين

يضحكون كل وحده تحكي عن بيتهاو وزوجها وكاتب ليت امي وخواتي يجون 

يقنعوني ارجع زوجتي اه ياقلبي وش اسوي معد ينفع ولدي مات بحسرته ولدي كتوم ومايتكلم وعنده عزة نفس وانا استغليتها زوجته اول ماعرفت بموته اتصلت منهاره وحلف ما اشيل احد من عيالي خليهم عندك عشان ينحرق قلبك وتتذكرين انك فرقتي بيننا انا سمعت هذا الكلام طحت اغما عليه وزاد همي بعد قرينا كلامه وكاتب شعر يتمنى الموت

لا اله الا الله ليتني بداله ادعولي ربي يصبرني ولا يعيدها ع احد يا امهات خافو الله لاتضغطين ع ولدك خليه يعيش حياته والله لو تحسين اللي احسه كان عرفتي 

ان مافيه شي يستاهل مولازم تحبك مرت ولدك مولازم تجيكي اهم شي ولدك والله اذا دورتي صلاح عيالك ربي بيعطيكي ع قد نيتك والله كانت مرت ولدي الثاني داعيه وتذكرني يا عمه تخيلي بنتك في نفس الموقف وش راح تسوين وانا اسوي نفسي مالي دخل اقول هو مايبيه فكروو في كلامي وانشرو قصتي امآآآنه تنشروها

في القروبات يمكن بسببي تتعمر بيوت

يارب تغفر لولدي ادعوله ربي يعوضه ويصبرني.